KUUENEGINNEDAAG THOEAR 2011

Wie ’n broed
op waeg nao ’t hoeagaltaar
tuintj zich Thoear

Lègktj ’n läögske blaadgoud
uuever d’n daag
es laevendje ansichkaart
door gans ’t landj gesjiktj

Uuever aangeraekdje paedjes
van ’n riek verleje
volgtj vorstin vootspoeare
van Clara en Elisabeth
die häör vuuerginge

Ónger wakendje klokke
van  kirk en carillon
weegtj de Wingerd
gaste in ziene werme sjoeat

Vreuger vorstedom duit groeat