KLEINKINDJ

Alvas
de vaas mèt blome ane kantj gezatte
en ’t steulke aan ’t stuur gehange
de knuffelbaer in bèd gelag
Want
seffes kumtj d’r weer
mien groeat verlange

Rölse mèt hum op de gróndj
quasi biete in zien kóntj
tente boewe van ein lake
goeaje
rape
paerdje rieje
treinke spuuele
stoppiepke achter duuere
inne loch höffe
aoh - waat is d’r groeat
in slaop valle oppe sjoeat

Jóng ...
’t ruuktj weer nao kindj in hoes