Jeugdhoes

Woea ’t Jóng Nederlandjkindj
mèt dien blokhut waas verwindj
Woea ouch bènne dezelfdje more  
steul gereid stónge vuuer de seniore
Woea ’t koear rippeteerdje bie häör harmonium
en Sinterklaos zaeteldje op zien podium
Woea sóndigsmiddigs film waerdje gedrejdj
en ónger ’t jeugdanse leefdjeswuuerd gezejdj
Woea wae bie verkezinge ginge stumme
en ’t jeugwerk mèt de trap nao boeave kós klumme…

...Dao dröptj ’t verdreet noe door ’t daak
en verveels se toet ein politieke zaak
Ederein ging mèt dich loupe
wól zoeagaar dien zeel verkoupe
aan Natalini of die minse
mèt häör toearehoeage winse
Door det weggesmete geldj
liks se dao noe oetgetèldj
aan oos Maasgouws ekkelste mem
want ze troje op de rem

Daoróm zèk ich hie es Thoearder mins
alvas miene noejaorswins
Det… es de kuuenegin nog ins kumtj kieke
dich aan de Wingerd weer moogs prieke